Ел тынысы

ҚХА су тасқыны болған өңірлерге гуманитарлық көмек жіберді

ҚХА су тасқынынан зардап шеккен өңірлерге Астанадан гуманитарлық көмек жіберді, деп хабарлайды astana-akshamy.kz

Елордалық Достық үйінің алаңынан Қазақстан халқы Ассамблеясының «Жүректен жүрекке» қайырымдылық жобасы аясында су тасқынынан зардап шеккен өңірлерге кезекті гуманитарлық көмек жіберілді, деп хабарлайды елорда әкімдігінің ресми сайты.

Ұйымдастырушылардың айтуынша, бұл жолы Солтүстік Қазақстан облысына қажетті заттары бар жүк көліктері жөнелтіледі. Іс-шараға елордалық ҚХА этномәдени орталықтарының мүшелері мен жастары қатысты.

«Бірнеше аймақта су тасқыны болып жатыр, еріктілер қиын уақытта шетте қалмады. Біздің көптеген отандастарымыз су тасқынынан зардап шеккендерге көмектеседі. Қазақстан халқы Ассамблеясы әрдайым көмек қолын созып келеді», – деді Қазақстан халқы Ассамблеясының мүшесі, ҚР “Дустлик» өзбек қауымдастығы төрағасының орынбасары Хасан Шәріпов.

Қайырымдылық жобасы барлық қазақстандықтардың қолдауына ие болып, берік бірліктің символына айналды. Оған еліміздің түкпір-түкпірінен 11 мыңнан астам ҚХА еріктілері тартылған.

Естеріңізге сала кетейік, бұған дейін Қазақстан халқы Ассамблеясының «Жүректен жүрекке» қайырымдылық жобасы аясында Астанадан Ақмола, Қарағанды және Солтүстік Қазақстан облыстарына гуманитарлық көмек жіберілген болатын.

Естеріңізге сала кетейік, бұған дейін Астанадан су тасқынынан зардап шеккен өңірлерге 1 мың тоннадан астам гуманитарлық көмек жіберілген болатын. Жиналған көмектің ішінде киім, тамақ, гигиена құралдары мен аяқ киім негізгі орынды алады.

Елордада гуманитарлық көмекті қабылдайтын 9 пункт жұмыс істейді, оған 30-ға жуық еріктілер ұйымдары қатысуда.
Күн сайын 200-ден астам ерікті қажетті заттарды сұрыптайды. Еріктілер қаржылық көмекті қабылдамайды. Ниет білдірушілер қажетті заттарды жинап, жинау орындарына апара алады.

Тағыда

admin

«Астана ақшамы» газеті

Ұқсас жаңалықтар

Back to top button