Нұр-Сұлтан қаласының жаңадан сайланған қоғамдық кеңесінің І отырысы өтті. Қоғамдық кеңестің төрағасы болып Зұлпыхар Ғайыпов, ал орынбасары болып Зейнолла Шибкенов сайланды. Зұлпыхар Ғайыпов – Көлік және коммуникация жоғары колледжінің директоры, ал Зейнолла Шибкенов – «Ақмола вагон жөндеу зауыты» АҚ директорлар кеңесінің мүшесі. Қоғамдық кеңес мүшелері үш жылға сайланады.
Сондай-ақ әртүрлі бағыт бойынша бес комиссия бекітіліп, оның төрағалары сайланды. Атап айтсақ, Ақпараттық-талдау жұмысы мәселелері жөніндегі комиссия, Бюджет, экономика және қаржы мәселелері жөніндегі комиссия, Әлеуметтік саясат саласында азаматтық қоғамның мүдделерін білдіру жөніндегі комиссия, Кәсіпкерлікті дамытудың экономикалық саясаты саласындағы азаматтық-құқықтық қатынастарды қорғау, сондай-ақ заңдылық пен құқық тәртібі мәселелері жөніндегі комиссия, Энергия тиімділігі, тұрғын үй-коммуналдық шаруашылық, құрылыс және экология мәселелері жөніндегі комиссия құрылды.
Мұнымен қоса Қоғамдық кеңес президиумының құрамы бекітілді, оған Қоғамдық кеңес төрағасы, оның орынбасары және комиссиялардың төрағалары кіреді.
