Есіл ауданының әкімдігінде жазушы-публицист, қонаевтанушы Ораз Қауғабаймен кездесу өтті.
Келесі жылдың қаңтарында Дінмұхамед Қонаевтың туғанына 110 жыл толады. Қаламгер көрнекті мемлекет қайраткері жайында әңгіме-дәріс өткізді. Дінмұхамед Ахметұлы дәуірінде еңбек еткен ардагерлер жазушыға сұрақтар қойды.
Кездесу барысында Нұр-Сұлтан қаласында ескерткіш орнату мәселесі талқыланды. Қонаевтанушы тиісті орындарға өтініш хаттарын жазғанын айтты. Бұған қоса, елордадағы Д.Қонаев көшесін арайландыру, оның бойындағы орта мектепке мемлекет қайраткерінің атын беру ұсынылғанын жеткізді.
Кездесу соңында Есіл аудандық Ардагерлер кеңесінің төрайымы Рысты Атығаева жазушыға алғыс айтып, сый-сыяпат жасады. Алдағы уақытта мұндай кездесу қаланың оқу орындарында жалғаспақ.
