Ел тынысы

Қостанай-Алматы бағытындағы ұшақ Астанаға шұғыл қонды



FlyArystan әуе компаниясының Қостанай-Алматы бағытындағы KC7141 рейсі кезінде жолаушылардың бірі ұшқаннан кейін көп ұзамай өзін нашар сезінген, деп хабарлайды astana-akshamy.kz

Осыған байланысты ұшақ Астанаға шұғыл қонды.

Әуе компаниясының хабарлауынша, стюардессалар жолаушының тамыр соғысы мен тыныс алуын тез тексерген, бірақ тіршілік белгілерін таппаған. Нұсқаулық бойынша экипаж алғашқы медициналық көмек көрсетуге кірісіп, жолаушылар арасынан дәрігерді іздеуге кірісті. Табылған дәрігермен бірге стюардессалар дефибриллятор арқылы жүрек-өкпе реанимациясын жасады.

«Командирдің шешімімен жолаушыға медициналық көмек көрсету үшін ұшақ Астана әуежайына шұғыл қонды. Әуе компаниясының стюардессалары әуежайға келгенге дейін жүрек-қан тамырлары массажын орындауды жалғастырды. Өкінішке қарай, Астана әуежайының дәрігері жолаушының қайтыс болғанын растады. Әуе компаниясы жолаушының туыстары мен жақындарына көңіл айтады», – делінген FlyArystan хабарламасында.

Оқиға әдеттегі рейс кезінде болып, жолаушыларды шошытып, алаңдатты. Әуе компаниясы барлық процедуралар мен хаттамалар сақталғанына сендірді және оқиғаға қатты өкінетінін білдірді.


Тағыда

admin

«Астана ақшамы» газеті

Ұқсас жаңалықтар

Back to top button