Құнды тарту табыстады
Қазақстан Жазушылар одағының Нұр-Сұлтан қалалық филиалында қазақтың мемлекет қайраткері, «Алаш» партиясының жетекшісі, Алашорда автономиялы үкіметінің төрағасы, публицист, ғалым, аудармашы Әлихан Бөкейханға арналған «Әлихан әлемі» атты әдеби конференция өтті. Іс-шараны ақын, Қазақстан Жазушылар одағының Нұр-Сұлтан қалалық филиалының директоры Дәулеткерей Кәпұлы жүргізді.
Тағылымдық кешке алаштанушы ғалымдар Сұлтанхан Аққұлы, Заңғар Кәрімхан қаламгерлер Өтен Ахмет, Қайырбек Сәдуақасов, Берік Садыр, Жанат Елшібек, Бақытбек Қадыр, Жазушылар одағы Нұр-Сұлтан қалалық филиалы директорының орынбасары Олжас Қасым, дәстүрлі әнші Сырым Мұхамеджанов, айтыскер ақын Еркебұлан Қайназар, ақындар Мирас Асан, Ерлан Жүніс, Рауан Қабидолда, Арман Шеризат қатысты. Конференция барысында алаштанушы ғалым Сұлтанхан Аққұлы «Жазушылар үйіне» Әлихан Бөкейханның 15 томдығын тарту етті.
Баян АСЫЛБЕКОВА