Қазақстанда құқық қорғау органдарының жұмысы халықтың сеніміне ие болуда. Өткен 2024 жылғы зерттеу нәтижелері бойынша, респонденттердің 65 пайызы толық қауіпсіздікті сезінетіндерін білдірді. Бұл көрсеткіштер құқық қорғау органдарының тиімді қызметін көрсетеді.
Иә, елде тәртіп күшейді деп айтуға болады. Мемлекет басшысы Қасым-Жомарт Тоқаевтың бастамасымен сот және құқық қорғау жүйесінде күрделі реформалар жүзеге асырылуда, бұл азаматтардың құқықтары мен қауіпсіздігін күшейтуге бағытталған. Сонымен қатар, 2024 жылы қабылданған заңдар әйелдер мен балалардың құқықтарын қорғауды едәуір күшейтті.
2024 жылы Қазақстанда бірнеше маңызды заң жобалары қабылданды. Мысалы, атап кеткендей әйелдер мен балалардың құқықтарын қорғауға бағытталған заңдар күшіне енді. Сондай-ақ, темекі өнімдері мен вейптерге тыйым салу жөніндегі, мемлекеттік наградалар туралы, ономастика мәселелері туралы, нышандарды бірыңғай стандартқа келтіру жөніндегі, вандализм және табиғи объектілерді қорғау жөніндегі , ойын бизнесі, лотерея және лотерея қызметі мәселелері жөніндегі, есірткі өндірушілері мен тасымалдаушылардың жауапкершілігін саралау жөніндегі, құрметті атақтарға қатысты өзгертулер, археология саласындағы заңдарға түзетулер енгізілді. Жалпы Ұлттық құрылтайдың бастамасымен 10 заң қабылданды, бұл бастамалар елдің әлеуметтік, құқықтық және мәдени дамуына бағытталған заңдар.
Президент Қасым-Жомарт Тоқаев құқық қорғау жүйесін реформалауға ерекше мән беруде. Ол сот және құқық қорғау жүйесіндегі реформалардың азаматтардың құқықтары мен қауіпсіздігін қамтамасыз етудегі негізгі фактор екенін атап өтті. Сонымен қатар, Президент заң мен тәртіптің үстемдігін қамтамасыз ету арқылы Әділетті, Таза және Қауіпсіз Қазақстанды құруды мақсат етеді.
Астанада қоғамдық тәртіпті қамтамасыз ету үшін түрлі шаралар қабылдануда. Мысалы, 2024 жылдың шілде айында Шанхай ынтымақтастық ұйымының саммиті кезінде Астана полициясы күшейтілген режимде жұмыс істеді, бұл қоғамдық тәртіп пен қауіпсіздікті қамтамасыз етуге бағытталды. Сонымен қатар, қалада қоғамдық қауіпсіздікті қамтамасыз ету мақсатында 2024-2028 жылдарға арналған тұжырымдама бекітілді.
Шерзод Пулатов, ҚХА-ның республикалық этномедиация кеңесінің төрағасы, ҚР Президент жанындағы Ұлттық Құрылтай мүшесі
