Көркем гимнастикадан өткен Астана қаласының чемпионатына 300-ден астам спортшы қатысып, үздіктер анықталды.
Жуырда Астаналық көркем гимнастика шеберлеріне жаңа жаттығу залы берілген-ді. Сол жерде алғаш рет Астана қаласының ашық кубогы өтті.
«Чемпионат жыл сайын наурыз-мамыр айында өтеді. Турнир қорытындысы бойынша Астана қаласының құрама командасы жасақталады. Үздіктер республикалық және халықаралық жарыстарға қатысуға жолдама алады. Мақсат – көркем гимнастиканы елордада кеңінен дамыту және Олимпиада ойындарына қатысатын жас буынды дайындау, – дейді Астана қаласы көркем гимнастика федерациясының президенті Сайранбек Әбілхайыр.
