Құрметті астаналықтар және қала қонақтары!
15-17 қазан аралығында болатын Құрбан айт мерекесіне орай Астана қаласының әкімдігі санитарлық талаптарды сақтау мақсатында құрбандыққа шалынатын малдарды сату, сою және таратуға рұқсат етілген арнайы орындарды бекітті.
Осыған орай, құрбандық малдарын сатып алу және сою тек «Алтын таға» мал базарында (Астана-Қосшы тас жолы бойындағы) жүргізіледі. Ал, «Нұрбереке 555» ЖШС («Көк» базары, Алаш тас жолы, 30); «Шаумен» шаруа қожалығы (Астана-Софиевский тас жолы, 9-шақырым); «Темеш» шаруа қожалығы (Астана-Софиевский тас жолы, 7-шақырым); «Мақсат 2007» ЖШС («Теміржолшылар» тұрғын алабы, Ақжар көшесі, 20) мекен-жайларында тек құрбандық союға рұқсат етіледі.
Құрбан айттың алғашқы күні № 27 қалалық автобусының жүру кестесі «Нұр-Астана» мешітінен (Қабанбай батыр көшесі, 21) бастап «Алтын таға» базарына дейін ұзартылатын болады. (Автобустың қозғалыс кестесі: Теміржол вокзалы – Біржан Сал көшесі – І.Есенберлин көшесі – Республика даңғылы – Қабанбай батыр көшесі – Астана-Қосшы тас жолы – «Алтын таға» базары).
ЕСКЕРТПЕ: Астана қаласы әкімдігінің шешімі бойынша құрбандық малдарын сату және союға арналған орындардан басқа жерлерде – балалар ойнайтын алаңқайларда, үй аулаларында және де арнайы белгіленбеген орындарда өткізуге тыйым салынады.