Сіздерді Ұлы Жеңістің 71 жылдық мерейтойымен шын жүректен құттықтаймыз!
Сіздердің Ұлы Отан соғысындағы көрсеткен ерліктеріңіз, жан шыдамас қиындыққа төзіп, еліміз, жеріміз үшін аянбай айқасып, неміс басқыншыларын жеңіп, келесі ұрпақтарыңыздың өсіп-өніп жетіліп, Егеменді Қазақстанның мықты да гүлденген мемлекет болуына қосқан үлестеріңіз ешқашан да ұмытылмайды.
Сіздер аманат еткен ұлтаралық татулық, тұрақтылық, бейбітшілік біздер үшін әрқашанда еліміздің ең бір қасиетті ұстанымдарының бірі бола бермек.
Бүгінгі күні Сіздер жастарды отансүйгіштікке, адалдыққа тәрбиелеуге үлкен үлес қосып келесіздер.
Жеңіс күні 9 мамыр мерекесі қарсаңында Сіздерге зор денсаулық, қажымас қайрат, баянды ұзақ ғұмыр тілейміз. Алдағы уақытта да қаланың, сонымен қатар еліміздің гүлденуі үшін жастарға патриоттық тәрбие беру жолында белсенді үлес қосады деп сенеміз.
Астана қалалық Ардагерлер кеңесі
