Астана қаласы әкімдігі Қуыршақ театрының шығармашылық ұжымы, қала тұрғындары мен қонақтарының қатысуымен Жаңа жыл қарсаңында Сарайшық ауданында жаңа жылдық қойылым көрсетілді.
Мерекелік іс-шара «Отау» шағын ауданында өтті. Қызықты бағдарлама кезінде балалар танымал мультфильм кейіпкерлерімен бірге Аяз атаның сиқырлы шанасын реттестіруге көмектесіп, жаңа 2025 жылды «құтқарды».
«Біздің жаңа Сарайшық ауданының «Отау» шағын ауданында қаланың кішкентай тұрғындары үшін жаңа жылдық іс-шара өтті. Астана қаласы әкімдігі Қуыршақ театрының әртістері Круэлла, Аяз ата, Ақшақар сияқты мультфильмдердің танымал кейіпкерлерінің қатысуымен спектакль ұсынды. Іс-шараға шағын ауданның 700-ге жуық тұрғыны қатысты. Балалар қуанышпен ән шырқады, би биледі, ойнады және кейіпкерлермен бірге көңіл көтерді» деді Сарайшық ауданы әкімдігінің бас инспекторы Әкімжан Болтаев.
Ертегі қойылымынан кейін балалар билер мен музыкалық шығармаларды орындау арқылы өз өнерін көрсетті.
«Қуыршақ театрының ұйымдастырушылары мен әртістеріне балаларымызға осындай керемет жаңа жылдық сыйлық жасағаны үшін көп рақмет! Спектакль керемет, мейірім мен сиқырға толы болды. Кішкентайлардың күліп, шын жүректен қуанғанын көру – ата-ана үшін ең үлкен бақыт. Мұндай іс-шаралар мерекенің ерекше атмосферасын қалыптастырады және біздің ауданды, шынымен, жайлы етеді» деді елорда тұрғыны Сәлима Байдәулетова.
Шапағат ӘБДІР
