Италияның Турин қаласында өтетін Қысқы Универсиадаға қатысатын Қазақстан құрамасы анықталды, деп хабарлайды astana-akshamy.kz
Қазақстан ХХХІІ Дүниежүзілік қысқы Универсиадаға қатысатын ұлттық құраманы ресми түрде жариялады. Бұл жөнінде ҚР Оқу-ағарту министрлігі «Ұлттық ғылыми-практикалық дене тәрбиесі орталығы» РМҚК хабарлады.
Қысқы Универсиада 13-23 қаңтар аралығында Италияның Турин қаласында өтеді.
Қазақстандық спортшылар 10 спорт түрінен сайысқа түседі. Олардың қатарында биатлон, шорт-трек, шаңғы жарысы, мәнерлеп сырғанау, спорттық бағдарлау, фристайл, тау шаңғы спорты, ерлер мен әйелдер хоккейі бар. Сондай-ақ пара шаңғы бойынша бәсеке алғаш рет жарыс бағдарламасына енгізілген. Қысқы Универсиадада еліміздің атынан 103 спортшы бақ сынайды.
Дүниежүзілік додада биатлоннан ерлерде Вадим Куралес, Владислав Киреев, Кирилл Бауэр, Ержанат Қуандық, Никита Акимов, әйелдерде Арина Крюкова, Айша Ракишева, Милана Генева, Полина Егорова, Алина Скрипкина жарыс жолына шығады.
Ал шорт-тректе ерлерде Санжар Жанисов, Әлішер Абулкатимов, Дамир Кұрманов, Айбек Темірхан, Динмұхамедалдияр Тәжібай, Валерий Клименко, әйелдерде Алина Ажгалиева, Яна Хан, Зейнеп Кұмархан, Полина Омельчук, Анастасия Галечина, Малика Ермекке сенім артамыз.
Сондай-ақ шаңғы жарысында ерлерде Святослав Матасов, Ернур Бексултан, Әмірғали Мұратбеков, Ілияс Исабек, Нартай Тұрлыбекұлы, Сұлтан Базарбеков, әйелдерде Анастасия Ротова, Лаура Киныбаева, Мария Геращенко, Елизавета Толмачева, Әсем Жұмағазиева, Алеся Бочкарева. мәнерлеп сырғанауда Михаил Шайдоров, Диас Джиренбаев, Никита Кривошеев, Софья Самоделкина ел намысын қорғайды.
Спорттық бағдарлауда ерлерде Давид Сиволапов, Иван Биткин, Александр Фирсов, Никита Иост, Илья Таганашкин, әйелдерде Ангелина Кузьмина, Евгения Завьялова, Карина Боранбаева, Анжелика Гарифова, Валерия Чупина, фристайлда Анастасия Городко, Аяулым Әміренова, Антон Бондарев, Федор Бугаков, Максим Емельянов, Семен Русаков, тау шаңғысы Александра Скороходова, Ксения Бережная жарыс жолына шығады.
Қысқы универисадада хоккейден ерлер және әйелдер құрамалары сайысқа түседі. Ерлер құрамасында барлығы 24 спортшы бар. Оның ішінде Иван Гавриленко, Джелал-Ад-Дина Амирбеков, Абылайхан Сүлейменов сынды спортшылар енгізілген. Әйелдерде 22 спортшы қатарында оның ішінде Альмира Ибрагимова, Карина Амирова, Регина Салтысова құрама жейдесін киеді. Ал пара шаңғы жарысына Денис Зинов, Роман Курбанов ел намысын қорғайды.
Айта кетсек, 2025 жылғы Қысқы Универсиадаға 57 елден шамамен 2000 студент-спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады.
FISU ережесі бойынша, қатысушылардың жасы 17-25 аралығында болып, жарысатын елдің азаматтары болуы және жоғары оқу орнында оқып жүрген немесе универсиада басталғанға дейін бір жылдан ерте емес бітірген болуы тиіс.
Еске салсақ, әлем чемпионатында Қазақстан жастар құрамасы сапындағы үздіктер анықталды.
