Жаңалықтар
ҚЫЗЫҚТЫ КЕЗДЕСУ ӨТТІ
№48 мектеп-лицейде белгілі қаламгер Әкім Ысқақпен кездесу өтті.
Оқушылар «Адам іздеп жүрмін», «Жүректегі жазулар», «Махаббат хаттары» кітаптарынан үзінділер оқып, көкейлеріндегі сұрақтарына жауап алып, толғаныстарымен бөлісті. Жас ақын Еңлік Айымғазы ақынға жыр шумақтарын оқып, көпшілікті өнерімен тәнті етті. Кеш соңында тәжірибелі ұстаз, шебер ұйымдастырушы Назым Ділтайқызы аузы дуалы ақыннан мектеп түлектеріне ақ батасын алды. Адам бойындағы ізгі қасиеттердің құдіреттілігін жырлаушы ақын мектеп ұжымына ризашылығын білдіріп, бірнеше кітабын сыйға тартты.
Ләззат ІЛИЯСОВА,
қазақ тілі мен әдебиеті пәнінің мұғалімі