Кеше ҚР Президенті жанындағы орталық коммуникациялар қызметінің ресми өкілі Алтай Әбибуллаев дәстүрлі брифингте ағымдағы аптада орын алатын саяси оқиғалар легін жария етті.
18 наурызда ҚР Премьер-министрі Серік Ахметовтың төрағалығымен азаматтық авиация мен жаңа бюджеттік саясат мәселелеріне қатысты отырыс өтеді.
19 наурызда С.Ахметовтің төрағалығымен Үкімет отырысы өтіп, онда электронды үкіметті дамыту бойынша мәселелер қарастырылады. Онда ҚР Көлік және коммуникация министрі Асқар Жұмағалиев, Білім және ғылым министрі Бақытжан Жұмағұлов, сондай-ақ, ҚР Ішкі істер министрі Қалмұханбет Қасымов өздері басшылық ететін министрліктердің күн тәртібіне қатысты істеген жұмысын баяндайды. Сондай-ақ, ҚР Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын іске асыру барысын пысықтау жоспарда бар. Бағдарламаның орындалу барысы туралы ҚР Денсаулық сақтау министрі Салидат Қайырбекова баяндап береді.
Еркежан СӘТІМБЕК
