Көктемде елорданың кейбір аудандарын су басу қаупі туындайды. Қазіргі кезде қаладағы су тасқыны болуы ықтимал учаскелердің картасы әзірленді. Осыған байланысты Төтенше жағдайлар департаменті 309 адамнан тұратын топ құрды. Сондай-ақ, осынау шараға 49 бірлік техника, 12 жүзу құралы және тікұшақ тартылмақ.
Су тасқыны кезеңіне дайындық жұмыстары белсенді түрде жүргізілуде. Кешенді іс-шаралар жоспарына сәйкес, адамдар көп жүретін 266 нысанда қар тазалау жұмыстары аяқталды.
Астана қаласының Орталық өңірлік аэромобильді жедел құтқару жасағы Есіл және Ақбұлақ өзендерінде мұз жағдайын бақылау және жағаны патрульдеу бойынша кезекшілік етеді.
Сонымен қатар, су тасқыны салдарын жоюға қосымша 125 адамнан тұратын жедел әрекет ету жасағы, 48 бірлік инженерлік техника тартылады.
