Жаңалықтар
Нақ-нақ. 16-17 қазан
- 2013 жылдың тоғыз айында қала бюджеті 105,6 пайыз орындалды. Бюджеттің кіріс бөлігі 100 млрд теңгеге толықты. Өткен жылдың осы кезеңімен салыстырғанда түсім 21,3 млрд теңгеге немесе 27,3 пайызға өсті.
- Ертең Алаш тас жолы 15/1 мекенжайында орналасқан Орталық базар ғимаратында бос жұмыс орындар жәрмеңкесі өтеді.Жәрмеңкенің негізгі міндеттері – азаматтарды жұмыспен қамтуға жәрдемдесу, әлеуметтік қорғау шаралары, сондай-ақ еңбек нарығындағы ахуал жөнінде ақпараттар ұсыну.
- «AstanaPianoPassion» халықаралық классикалық музыка фестивалінің ұйымдастырушылары жеңімпаздарға арналған марапат мүсіншесінің нұсқасын жасауға, сонымен қатар, «AstanaPianoPassion» жас пианисттер байқауына арналған сахнаны сәндеу үлгісіне ашық шығармашылық байқау жариялады. Жеңімпазға қомақты ақшалай сыйлық бар.
.