Сегізінші «Сырсандық»
Нұр-Сұлтан қаласының Бірлескен мұражайлар дирекциясына қарайтын С.Сейфуллин музейінің «Сырсандық» сериясының 8-кітабы «Фолиант» баспасынан жарық көрді.
«Сәкен тұлғасы тарих төрінде» аталатын бұл еңбектің авторы – өнер зерттеуші, тұлғатанушы Серік Оспанов, жауапты шығарушы – аталмыш музей директоры, ақын Несіпбек Айтұлы, ғылыми редакторы – сәкентанушы Назгүл Сапиянова.
Кезекті рет шығып отырған бұл ғылыми-деректі жинақ құрылғанына 100 жыл толған Қазақ Республикасының мерейтойы аясында, тәуелсіз мемлекет құру жолында өз жандарын пида еткен ұлт арыстарының орыс отаршылдығы мен интервенцияға қарсы саяси күресі Алашорда, Ақ гвардия, Кеңес үкіметі көсемдерінің текетіресі архивтік құжаттар мен тарихи деректерге құрылған.
Жинақта 1922-1925 жылдары Қырғыз (Қазақ) АССР-нің Халық комиссарлары кеңесінің төрағасы болған мемлекет және қоғам қайраткері, ақын, композитор, ағартушы, жазушы-драматург фольклортанушы-ғалым Сәкен (Сәдуақас) Сейфуллиннің Орынбор кезеңіндегі қызметі қамтылған.
Баян АСЫЛБЕКОВА