Астанада Шәмші Қалдаяқовтың әндеріне арналған «Менің Қазақстаным» атты халықаралық фестиваль өтті, деп хабарлайды www.astana-akshamy.kz/
Іс-шара мақсаты – ұлы композитордың шығармашылығын насихаттау.
Мәдениет және ақпарат министрлігінің қолдауымен «Қазақконцерт» мемлекеттік академиялық концерттік ұйымы ұйымдастырған фестиваль еліміздің мәдени өміріндегі маңызды оқиғаларының бірі болды.
Фестиваль сахнасында Өзбекстан, Украина және Қазақстан театрларының әртістері, сондай-ақ Әзербайжан мен Қырғызстанның еңбек сіңірген әртістері өнер көрсетті.
Бағдарламада Шәмші Қалдаяқовтың қазақ музыка мәдениетінің символына айналған шығармалары орындалды.
