Нұр-Сұлтан қаласындағы Көлік және коммуникация колледжінің спорт залында Қазақстан Республикасы Тәуелсіздігінің 30 жылдығына орай шағын футболдан қалалық турнир өтті.
[smartslider3 slider=1089]
«Сенің өмірің қымбат» акциясы аясында ұйымдастырылған турнирге Қазақстан теміржолы, «Кегок», «Қазатомпром» сияқты ұлттық компаниялардың жұмысшы жастары қатысты.
– Мұндай шағын футбол жарысын алдағы уақытта апта сайын сенбі, жексенбі күндері тұрақты өткізіп тұруды жоспарлап отырмыз. Өйткені осындай спорттық іс-шаралар жұмысшы жастар арасындағы өзара достық қарым-қатынасты нығайтып қана қоймайды, болашақта елорданың белсенді жастар санатын қалыптастыруға да септігі тиері сөзсіз, – дейді кәсіпкер Салтанат Әли.
