Алдағы сенбіде қала әкімдігінің алдындағы орталық алаңда Шығыс Қазақстан және Қостанай облыстарының ауылшаруашылық жәрмеңкесі өтеді. Әр аймақ елордаға өзіне тән базарлығын алып келеді.
Атап айтсақ, шығыстықтар өңірдің бренді – Алтай балы мен бұғының пантасы ағыл-тегіл болады деп отыр. Одан бөлек, 12 тонна сүт өнімдері, 8 тонна өсімдік майы, 35 тонна ет, 200 тонна картоп және басқа да көкөністер, 13 тонна шұжық өнімдері, 2 тонна балық 7,5 тонна қымыз бен басқа да ұлттық дәмді артқан керуен әне-міне жолға шығады.
Ал, қостанайлықтардың биылғы тоқшылық пен молшылық мерекесі Тың игерудің 60 жылдығымен тұспа-тұс келіп отыр.
Әуелден қызыл қырман бастырып, қамба толы астық жинаған, Әулиекөл сиыры, Қостанай жылқысы сынды етті-сүтті бағыттағы, асыл тұқымды мал шаруашылығымен аты жайылған аймақтан жәрмеңкеге 60-қа тарта ауыл шаруашылығы және тамақ өнеркәсібі кәсіпорындары қатысады. Олардың арасында «ДЭП», «Новый день», «Особа»,
«Корона», «Тэрра» сияқты сауда маркаларының өнімдері бар. Қостанай облысының шаруа-диқандары жалпы көлемі 500 тоннадай азық-түліктен сәлемдеме жіберіп отыр.
Облыс әкімдіктерінің хабарлауынша, тауарлар базардағы бағадан 15-20%-ға арзан сатылады. Сондай-ақ, жұртшылық аймақ өнерпаздарының концертін тамашалайды.
Жәрмеңкедегі тауарлардың бағалар
Қостанай облысы
| сиыр еті | 950 |
| қой еті | 900-950 |
| жылқы еті | 950-1000 |
| құс еті (үйрек, қаз, тауық) | 600-700 |
| пісірілген шұжық | 420-500 |
| жартылай ысталған шұжық | 800-850 |
| «ДЕП» сүті (1,5-2,5%) финпак | 110-130 |
| «Милк» сүті (1,5-2,5%) тетрапак | 135-160 |
| қышқыл сүт өнімдері | 100-120 |
| жұмыртқа | 160 |
| макарон өнімдері | 120-130 |
| жоғарғы сұрыпты ұн | 70 |
| бірінші сұрыпты ұн | 50 |
| нан | 40 |
| бал | 1000 |
| күнбағыс майы | 220-230 |
| картоп | 45-50 |
| сәбіз | 50-60 |
| қызылша | 50-60 |
| қарбыз | 60 |
Шығыс Қазақстан облысы:
| сиыр еті | 900 |
| қой еті | 950 |
| жылқы еті | 1000 |
| картоп | 45 |
| сәбіз | 45 |
| жуа | 50 |
| қырыққабат | 40 |
| қызылша | 60 |
| өсімдік майы | 250-280 |
| бал | 950 |
| қарақұмық | 130 |
| тары | 120 |
| бұршақ | 120 |
| сазан-судақ | 600 |
| қаймақ | 900 |
| сары май | 1500 |
| сары май (72,5%) | 1300 |
| Ірімшік | 1500 |
