Нұр-Сұлтан қаласында 30-дан аса шыршаның шамы жарқырады. Қазіргі жағдайды ескеріп, қала тұрғындары өз үйлерінде «Үйдегі шыршаны безендіру» флешмобына қатысты. Флешмобқа қатысушылар телефондарына видео немесе фото түсіріп, әлеуметтік желілерде бөлісті. Жаңа жыл қарсаңында елорда тұрғындары үшін бейнеқұттықтаулар ұйымдастырылады. Оған танымал адамдар, қазақстандық эстрада жұлдыздары, актерлер және спортшылар қатысады.
