Соңғы 10 жылда туу көрсеткіші 10%-ға артты
Қазақстанда бүгінгі таңда балалы отбасыларды кешенді қолдау бағдарламасы бар, ол мемлекеттік жәрдемақылар, әлеуметтік төлемдер, жұмыспен қамтуға жәрдемдесу жөніндегі шаралар мен салық салу кезіндегі жеңілдіктер жүйесін қамтиды. Бірақ жаһандық экономиканың әсерін, инфляциялық үрдістерді, урбанизацияны ескере отырып, қолда бар қолдау көлемі пысықталып, кеңейтілуі тиіс.
Бүгін әлеуметтік қолдау 5 санаттағы отбасыларға көрсетіледі: 1 жасқа дейінгі балалары бар аналар мен отбасыларға, көпбалалы отбасыларға, мүгедек балалары бар отбасыларға, жағдайы төмен отбасыларға, асыраушысынан айырылған және балаларды қамқорлығына алған отбасыларға.
Қазақстандық жүйе адам өмірінің барлық кезеңінде бірқатар қолдау шарасын қарастыратынын мойындау керек. Төлемдер мөлшері ұлғайтылып, алу жүйесі жеңілдетілген. Барлық әлеуметтік төлем жылда инфляция деңгейіне индекстеледі. Жалпы, ана мен баланы әлеуметтік қорғау шеңберінде қабылданып жатқан шаралар, тіпті қазіргі төмен мөлшерлерде де ел халқының демографиялық өсуіне оң әсерін тигізді. Үкімет жанынан құрылған жұмыс комиссиясының бастамаларын қолайлы іске асыру кезінде біз халықтың өсуі бойынша діттеген нәтижені аламыз деп ойлаймын. Соңғы 10 жылда туу көрсеткіші 10%-ға артты.