Кеше ҚР Тұңғыш Президентінің музейінде мүмкіндігі шектеулі балаларға арналған «Балаларға бақыт сыйлайық!» акциясы өтті. Оған 6-14 жастағы жеткіншектер қатысты.
Шара салауатты өмір салтын насихаттауға, мүмкіндігі шектеулі балалардың қоғаммен тең екендігін көрсетуге және сауықтыру бойынша альтернативтік бағдарламаларды енгізуге бағытталды. Ұйымдастырушылар – «Жас Отан» жастар қанаты Астана қалалық филиалы, ҚР Тұңғыш Президентінің музейі және Қазақстанның футбол федерациясы.
Әлеуметтік акция Қазақстанның Ұлттық футбол құрамасының қатысуымен өтті. Белгілі футболшылар балаларға арнайы дайындалған сыйлықтарды табыстады және естелікке суретке түсіп, қолтаңба берді.
