Астанадағы «Дәулет» спорт кешенінде 26-28 қараша күндері таэквондодан ересектер арасындағы Қазақстан чемпионаты өтеді.
Айтулы жарысқа еліміздің барлық аймақтарынан 236 спортшы қатысатын болып отыр. Чемпионатқа қатысушылар қатарында Азия ойындарының жүлдегері Нұрсұлтан Мамай, Дүниежүзілік универсиада жеңімпазы Гүлнафис Айтмұхамбетова, Азия чемпионы Феруза Ергешова және басқа да тәжірибелі спортшылар бар.
