ТӘНТІ ҚЫЛFАН ТАМАША СӘТ
[wppa type=»slideonly» album=»17″ size=»590″][/wppa]
Әр жылда жаңа жылды асыға күтетін балақайлар үшін биылғы Президент шыршасы шынымен де ғажайыпқа толы болды.
Былтыр Елбасының құттықтауымен алып шыршаның шырағын жағып, шырайын келтіруге 150 бүлдіршін қатысса, биылғы театрландырылған тамаша шоуды қызықтауға 9-13 жас аралығындағы екі жүз бала жиналған. Олардың жүз он жетісі – жетім балалар мен ата-анасының қамқорлығынсыз қалғандар. Елу үші – көп балалы және әлеуметтік жағдайы төмен отбасы балалары мен оқу озаттары. Әртүрлі игі бастамаларымен танылып жүрген дарынды оқушылар Аяз ата мен Ақшақардың мейіріміне, Алдар Көсенің қызықты ойындарына, Қарашаш, Жезтырнақ, Күнекей және басқа да ертегі кейіпкерлері қатысатын қойылымдарға тәнті болып, өздерінің де өнерлерін тасада қалдырмады. Оқушылар сарайының әнші-биші бүлдіршіндерінің өнерлері барша достарының көңілінен шыққандай-ақ. Ғажайыпқа толы жаңажылдық мерекені Жастар театры әртістерінің «Ақ құс туралы аңыз» қойылымымен, Елбасының арнаулы сыйлықтарын табыстаумен қорытындылады.
Нұргүл Мәлтік