ҚР Экология және табиғи ресурстар министрлігі 3 қыркүйекті тазы мен төбет сынды қазақ ит тұқымдарының күні етіп бекітетін жобаны жариялады, деп хабарлайды astana-akshamy.kz
Құжат “Ашық НҚА” порталында жарияланды. Түзетулерге сәйкес мереке күндерінің тізбесі жаңа тармақпен толықтырылады.
Экология министрлігі бұл мерекенің құрылуы қазақ халқының ұлттық мәдени мұрасын, тарихы мен дәстүрлерін дәріптеудегі маңызды қадам болатынын атап өтті. Сонымен қатар, тақырыптық іс-шараларды өткізу Қазақстанның этнографиясы мен мәдениетіне қызығушылық танытатын туристердің назарын аударуы мүмкін.
