Қала мен Сала
ТОЙДЫҢ ТӘТТІСІ ОСЫНДА
Астана күніне орай ұйымдастырылатын дәстүрлі шаралардың бірі – елорда кондитерлерінің фестивалі. Тойдың ең «тәтті» думаны 4 шілдеде сағат 10:00-де Конгресс холл сарайында өтеді. Биылғы мерекеде кондитерлік өнім шығаратын жиырмадан астам кәсіпорын қала тұрғындары мен қонақтарына тәтті үлестірмек.
Фестиваль Астанадағы кондитерлік кәсіпорындар ахуалын көтеруге, олардың арасындағы бәсекелестікті арттыруға бағытталған. Бұл шара – аспаз шеберлер үшін өздерінің тәтті туындылары мен таңдаулы тағамдарын кең ауқымда таныстыруға және тәттіқұмар жандарға дәмді мерекені бастан өткеруге таптырмас мүмкіндік.
Фестиваль қатысушылары Астана тұрғындары мен қонақтарына «Астана – сүйікті қалам!» аталымында сан түрлі торттар ұсынады. Ұйымдастырушылардың пікірінше, фестиваль қоғамдық тамақтану саласында мамандардың кәсіби деңгейін арттыруға сеп болмақ. Шара аясында көрме-жәрмеңке өткізіліп, дайындалған тағамдардан дәм үлестіріледі.
Кіру – тегін.