Нұр-Сұлтан қаласында сақтандыру бойынша томографиядан өтетін ауруханалар саны көбейді. Әлеуметтік медициналық сақтандыру қорының елордалық филиалының мәліметі бойынша, міндетті әлеуметтік сақтандыру жүйесі енгізілгенге дейін тұрғындар компьютерлік томографиядан (КТ) өту үшін бірнеше ай бойы жергілікті емханадағы кезегін күтетін.
2020 жылы томография жасайтын медициналық ұйымдардың саны 135 болса, биыл бұл сан 190-ға дейін артты. Ал магнитті-резонанстық томография (МРТ) жасайтын бөлмелер саны 95-тен 121-ге өсті. Қазір көптеген елді мекендерде КТ және МРТ жасайтын жекеменшік бөлмелер ашылуда. Осы қызметке деген үлкен сұранысты қанағаттандыру үшін олар тәулік бойы жұмыс істейді. Елордада МӘМС жүйесі бойынша КТ түсіретін – 17, МРТ түсіретін 11 медициналық мекеме бар.
