Асфальттық бетон жабынын профилактикалық қорғау мақсатында бүгін және ертең Тұран даңғылы (Сығанақ көшесінен Сарыарқа даңғылындағы көпірге дейінгі бөлігі) жартылай жабылады.
Бүгінде елордада бекітілген кестеге сәйкес бірнеше көшеде жол жөндеу жұмыстары жүріп жатыр. Атап айтқанда, Манас к-сі (Абылай хан даңғылынан тұйық көшеге дейін), Ш.Уәлиханов к-сі (Бөгенбай батыр даңғылынан А.Бараев к-сіне дейін), 30 маусымға дейін Қобыланды батыр көшесі, Р.Қошқарбаев к-сі (Б.Момышұлы даңғылынан Сарыкөл к-сіне дейін), А.Тоқпанов к-сі (Г.Алиев к-сінен Б.Момышұлы даңғылына дейін), Қордай к-сі (№14 к-сінен соңғы аялдамаға дейін), 25 маусымға дейін Теміржол вокзалы маңындағы алаң, С.Сейфуллин к-сі (Ә.Сембинов к-сінен Ш.Уәлиханов к-сіне дейін).
Сондай-ақ, күні кеше тағы бірқатар жол учаскелерінде жөндеу жұмыстары басталды: А.Петров к-сі (Қ.Сәтпаев к-сінен Қ.Мұңайтпасов к-сіне дейін), Көктал к-сі (Н.Тілендиев даңғылынан М.Дулатов к-сіне дейін), Бөгенбай батыр даңғылы (Сарыарқа даңғылынан К.Күмісбеков к-сіне дейін), Ж.Тәшенов к-сі (Тәуелсіздік даңғылынан Таха Хусейн к-сіне дейін), Тәуелсіздік даңғылы (Б.Момышұлы даңғылынан А.Байтұрсынов к-сіне дейін).
Сондықтан, жүргізушілердің қозғалыс бағдарларын алдын ала жоспарлағаны жөн.
