Тұрғын үй қорын жақсарту мақсатында Астананың әр ауданында «Есіл-Өркен», «Сарыарқа-Өркен» және «Алматы-Өркен» атты ПИК жұмысына көмектесетін басқарушы компаниялар құрылды. Жаңа модель тұрғын үй қатынасын жүйелеп, сервистік компаниялармен қарым-қатынасты реттеуге мүмкіндік береді.

ҚР Ұлттық музейінің ғылыми қызметкерлері Ботай қонысын зерттеу барысында археологиялық орындарға жекелеген барлау жұмыстарын жүргізіп, жаңа қорғандарды тапты. Айыртау ауданының Кутузовка ауылынан батысқа қарай 2 шақырым жердегі үшінші алаңның шетінен екі жерлеу құрылысын анықтаған. Олардың бірі – диаметрі 26 метр, биіктігі етегінен санағанда 80 см үйіндісі топырақтан тұратын қорған.