Жаңалықтар
ТУУ КӨБЕЙДІ, ӨЛІМ АЗАЙДЫ
Астана халқының саны 2013 жылдың 1 қазандағы көрсеткіші бойынша 804 474 адам болды.
«Жыл басымен салыстырғанда, Астана қаласындағы халықтың жалпы саны 26 276 адамға көбейді» деп хабарлайды Астана қаласы Статистика департаменті. Биылғы жылдың 9 айында жалпы қала бойынша 16 315 сәби дүниеге келген, бұл өткен жылдың сәйкес кезеңімен салыстырғанда 12,5 пайызға көп. Сонымен қатар, халықтың табиғи өсімі де өткен жылғы қаңтар – қыркүйек айларымен салыстырғанда 15,8 пайызға көтерілді және 13 724 адамды құрады. Осы аралықта қала бойынша 2 591 адам қайтыс болды, бұл 2012 жылғы қаңтар – қыркүйектегі көрсеткіштен 2,3 пайыз аз.