Астана қаласының әкімдігінде «Елордада туберкулезді жоюда ведомствоаралық өзара іс-қимыл шараларын күшейту және «Қазақстанда туберкулезді тоқтатайық» ұлттық серіктестігін дамыту» адвокаттық кеңесі өтті, деп хабарлайды astana-akshamy.kz
Іс-шара аясында Астанада «Туберкулезді тоқтатамыз» серіктестік өкілдігінің ашылуына арналған декларация мен меморандумға қол қойылды.
Бірауыздан дауыс беру нәтижесінде Астанада «Туберкулезді тоқтатамыз» өңірлік серіктестігінің төрағасы болып Еуразиялық медициналық қауымдастықтың вице-президенті Надежда Петухова сайланды.
Қалалық фтизиопульмонология орталығының директоры Анна Цепке тең төрағасы болып тағайындалды.
«Бұл – елордада туберкулезге қарсы күресті нығайтудағы маңызды қадам. Біз әртүрлі ведомстволардың, азаматтық сектордың күш-жігерін біріктіру осы аурудың алдын алу мен емдеуде елеулі нәтижелерге қол жеткізуге көмектесетініне және қоғамдық денсаулық сақтау проблемалары ретінде туберкулезді жою мақсатына қол жеткізуге мүмкіндік беретініне сенімдіміз», – деді қала әкімінің орынбасары Ерік Мейрханов.
Айта кетейік, туберкулез таяқшасын ашқан ғалым Роберт Кохтың сөздері бүгін де өзекті: «Оның (туберкулездің) өсуі мен таралуын әр адам күнделікті өмірде туберкулездің алдын-алу туралы білімдерін жақсы біліп, қолданған кезде ғана тоқтатуға болады».
«Туберкулезді тоқтату» бастамасы 1998 жылы наурыз айында Лондонда өткен туберкулез эпидемиясы жөніндегі бірінші арнайы комитеттің отырысынан кейін құрылды. Қазақстан осы жаһандық қозғалысқа ресми түрде 2017 жылдың тамызында «Қазақстанда туберкулезді тоқтатамыз» (ТБТҰС) серіктестігі құрылған кезде қосылды.
