Туристерге қандай кәдесый береміз?
![](https://www.astana-akshamy.kz/wp-content/uploads/2024/07/453432362_3970631216546616_1235737416082383536_n-780x470.jpg)
Астанада V-Дүниежүзілік көшпенділер ойындарының басталуына 40 күн қалды. Ел үшін маңызды оқиғаға дайындық қарқынды жүріп жатыр. Осыған орай келген қонақтарға кәдесый бұйымдарын дайындау үшін өндірушілермен, қолөнершілермен бірге туристерге кәдесыйлар сату орны тағы да талқыланды, деп хабарлайды astana-akshamy.kz.
Бұл туралы Астана қалалық мәслихатының төрағасы Ерлан Каналимов әдеттегідей Фейсбуктегі жеке парақшасында жариялады. Оның айтуынша, кәде сыйлар жасайтын 20 компаниядан 200-ден астам ұсыныс түскен.
-Ұсынылған өнімдердің тізімі әсерлі, негізінен бұл ұлттық құндылықтар көрініс тапқан жинақ. Ойыншықтар, деликатестер, ыдыс-аяқтар, магниткалар, футболкалар, қалпақшалар, тұмарлар бар. Әр павильон бір стильде безендіріледі, ал қонақ үйлерде сатуға арналған арнайы шыны сөрелер орнатылады, — дейді мәслихат төрағасы.