2023 жылдың соңына дейін Астанадағы негізгі ұзақ мерзімді құрылыс нысанының бірі – №3 жылу-электр орталығы пайдалануға беріледі деп жоспарлануда.
Бұл туралы Үкіметте өткен баспасөз мәслихатында Премьер-министр Әлихан Смайылов мәлімдеді.
«2023 жылдың соңына дейін бірінші кезекте №3 ЖЭО пайдалануға берілсе, Алматыда №2, 3 ЖЭО-ны газға көшіру жұмысы жүргізіледі. Онда «Самұрық-Энерго» АҚ құрама циклді зауыттар салуда, қуаттылық артады, бірақ экологиялық мәселелер де шешіледі» деді Ә.Смайылов.
Жалпы елордадағы №3 ЖЭО-ның құрылысын тездетіп аяқтау маңызды. Өйткені Астанада тұрғын үй құрылысы жылдан-жылға артып, әлеуметтік нысандар бой көтеруде. Оның үстіне, елдің саяси орталығында қыс алты айға созылатынын ескерсек, онда жылыту орталығының маңызын түсінуге болады
