Қала күні қарсаңында, яғни 3 шілдеде «Астана-Опера» Мемлекеттік опера және балет театрында П.И.Чайковскийдің «Ұйқыдағы ару» балетінің тұсауы кесіледі.
«Ұйқыдағы ару» балеті – Шарль Перро ертегісінің желісі бойынша дүниеге келген П.И.Чайковскийдің туындысы. Балеттің музыкалық желісі симфониялық дамуға ұласып, ақ пен қараның өзара қақтығысына құрылған. Премьерасы балетмейстер Юрий Григоровичтің жаңа заманауи хореографиялық редакциясымен «Астана-Опера» сахнасында қойылады. Ресей хореографиясының хас шебері «Ұйқыдағы аруды» балалар ертегісі немесе көңілді думан ретінде емес, басқа балетмейстерлерде жиі кездесетін жан жадыратар поэма сияқты Чайковский музыкасына үндестіріп қояды.
Еркежан СӘТІМБЕК
