Кеше Қ.Қуанышбаев атындағы мемлекеттік академиялық қазақ музыкалық драма театрының сахнасында жас орындаушылар байқауы басталды.
Байқау домбыра, қылқобыз, прима және жетіген номинациялары бойынша өтеді. «Байқау шығармашыл жастарды қолдауға, ұлттық салт-дәстүрлерімізді нығайтуға бағытталған. Сонымен қатар, бұл елордалық талантты жастарды анықтаудың жақсы мүмкіндігі» дейді Астана қаласының Жастар саясаты мәселелері басқармасы басшысының міндетін атқарушы Ербол Рыспаев.
Байқауға 14 пен 25 жас аралығындағы өнерпаздар қатысып, ұлттық аспаптарда ойнау шеберлігін көрсетеді. Ал конкурстың өзі ұрпақ тәрбиесі, келешек ұрпаққа ұлттық салт-дәстүрлерді кеңінен насихаттау және ұрпақтар сабақтастығы бойынша өтетін іс-шаралар аясында ұйымдастырылады.
Бүркіт НҰРАСЫЛ
