Жақында ұлт ұстазының 150 жылдығына арналған «Ахмет Байтұрсынұлының жолы» экспедициясы басталды. Қостанай-Нұр-Сұлтан-Қарағанды-Қарқаралы-Ақтерек-Семей бағытына шыққан топ елордадағы А.Байтұрсынұлы атындағы №48 мектеп-лицейдегі мұражаймен танысып, «Қаламгерлер» аллеясында Алаш қайраткерлері ескерткішіне тағзым етті.
«Қараөткел» зиратына барып дұға бағыштады. Л.Гумилев атындағы Еуразия ұлттық университеті ғалымдарымен кездесті. Кездесуге филология ғылымдарының докторы, профессор Серік Негимов, университет проректоры, академик Дихан Қамзабекұлы, филология ғылымдарының докторы, профессор Бекжан Әбдуәлиұлы, Нұр-Сұлтан қаласы Қоғамдық кеңесінің мүшесі Марат Мұстафин, А.Байтұрсынұлы атындағы №48 мектеп-лицей директоры Зәуре Садықова, филология ғылымдарының кандидаты Серікзат Дүйсенғазы, мәдениет қайраткері, «Елорда билер кеңесі» қоғамдық бірлестігінің төрағасы Әнуарбек Ералы қатысты.
Әсемай ЕРЛАНҚЫЗЫ, әл-Фараби атындағы
Қазақ ұлттық университетінің студенті
