Үнемдегіш шамдар қауіпті ме?
Елімізде 2014 жылдан бері қуаттылығы 25 ватты құрайтын қыздыру шамдарын әкелуге және сатуға тыйым салынғаны белгілі. Олардың орнына бүгінде энергия үнемдегіш люминесцентті, яғни, диодты шамдар пайдаланылып отыр.
Люминесцентті шамдар әдеттегі жарық көздеріне қарағанда электр энергиясын 5 есеге дейін аз тұтынады. Есесіне 8 есе көп жарық береді. Пайдалану мерзімі де ұзақ, 8 мың сағатқа жетеді дейді сарапшылар. Алайда, экономикалық жағынан тиімді болғанымен зиянды тұстары тағы бар болып шықты. Жарық үнемдегіш әр лампаның құрамында ұнтақ немесе бу түрінде 3-5 мг аралығында сынап болады. Яғни, мұндай лампалардың кез келген түрі сынатын болса адам өміріне қауіп төндіреді деген сөз. Мамандар әсіресе, сынап буынан сақ болу керектігін айтады.
Буына уланған жағдайда адамның бауыры, бүйрегі, жүйке жүйесі сондай-ақ, ас қорыту жүйесі зақымданады.
Бар болғаны 3 мг сынаптың адам өмірі ғана емес, топырақ пен суға, яғни қоршаған ортаға орасан зор көлемде зиян келтіретінін айта кету керек. Бір шамның құрамындағы сынап ауаға тараса, зиянды заттардың үлесін қалыпты мөлшерден 10 есеге арттыратыны дәлелденген.
- Бүгінде энергия үнемдеуші шамдардың үш түрі бар:
Галогенді шамдар
Энергия көзін 30-50 пайызға дейін үнемдеуге мүмкіндік береді. Жарамдылық мерзімі — 3000 сағат, яғни қалыпты жағдайда үздіксіз
125 күн қызмет етеді деген сөз.
Осы мақсатта 2013 жылы Астана қаласы әкімдігінің бастамасымен елімізде алғаш рет зиянды шамдарды қабылдап, кейіннен утилизацияға жіберуді көздейтін арнайы бағдарлама қабылданғаны белгілі. Қаланың әр ауданында әртүрлі өлшемдегі үнемдегіш шамдар мен басқа да зиянды химиялық қуат көздерін (батарейкалар, аккумуляторлар)
қабылдайтын арнайы 100 контейнерлер орнатылып, тұрғындар арасында жан-жақты түсіндіру жұмыстары жүргізілді. Бұл жұмыстар өз кезегінде жақсы нәтиже беріп, бір жылдың ішінде 500 мың шам жиналған болатын. Пилоттық жоба ретінде қолға алынған жоба кейін де жалғасын тапты. Арнайы мақсаттағы контейнерлердің саны соңғы екі-үш жылдың ішінде 300-ге дейін көбейтілді.
«Астана қаласының Табиғи ресурстар және табиғат пайдалануды реттеу басқармасының мәліметінше, бүгінге дейін елорда аумағынан екі миллионға жуық құрамында сынабы бар шам түрлері жиналыпты.
- Жарықдиодты шамда
Энергия көзін 80-90 пайызға дейін аз тұтынады. Жарамдылық мерзімі 50 мың сағат. Яғни, 2083 күн немесе 5,5 жыл еш ауыстырмастан пайдалана беруге болады.
Яғни, бас-аяғы бірнеше жылдың ішінде қоршаған ортаға 4,5 келі сынап төгілудің алды алынды деген сөз.
Сонымен қатар, Астана қаласында энергия үнемдегіш шамдардан келетін зиянның алдын алу жұмыстары ғана емес жалпы құрамында сынабы бар құрылғылардың үлесін азайту мақсатында да біршама жұмыстар атқарылып жатыр. 2014 жылы ҚР Энергетика министрлігі мен Астана қаласы әкімдігінің арасында арнайы Меморандум жасалған
болатын.
- Люминесцентті шамдар
Энергия көзін 80 пайызға дейін үнемдей алады. Нарықтағы бағасы сәл қымбаттау көрінгенімен ұзақ уақыт бойы іске жарай береді. Техникалық сипаттамасына шамның бұл түрі 20 мың сағатқа (833 күн немесе үздіксіз 2 жыл) дейін жанып тұра беретіні көрсетілген.
Аталмыш меморандум негізінде елордадағы денсаулық сақтау мекемелеріндегі құрамында сынабы бар термометрлер электронды өлшегіштерге ауыстырыла бастады. Тек өткен жылдың өзінде ғана 1 845 дана өлшегіш электронды термометрмен алмастырылды.
Аталмыш жоба алдағы уақытта да жалғасын табады деп күтіліп отыр.
Бүркіт НҰРАСЫЛ