ЖаңалықтарҚала тіршілігі
ҰШАҚТАР ТҮСТЕН КЕЙІН ҰШАДЫ
Ертеңнен бастап 25 мамырға дейін Астанадан ұшырылатын әуе рейстері KADEX-2014 көрмесінің аясында өтетін оқу-жаттығуларға байланысты түстен кейінгі уақытқа ауыстырылды. Бұл туралы «Астана халықаралық әуежайы» АҚ сайтында хабарланды.
Астанада өтетін KADEX-2014 көрмесіне 220-дан астам компания қатысады деп күтілуде. Көрме аясында Ресей әскери әуе күштеріне қарасты МиГ-29 және СУ-27 ұшақтарының жоғары пилотажды көрсетілімдері жоспарланып отыр. Сонымен қатар, әскери техника тақырыбындағы конференциялар, семинарлар, тұсаукесерлер және басқа да шаралар ұйымдастырылады.