ҮЗДІК ҮСТАЗДАР ҮНДЕСТІГІ
Махамбет Өтемісұлы атындағы Оқушылар сарайында өткен «Жұлдызды шашу» ІХ қалалық педагогикалық фестивалі аясында үздік алты ұстаз есімі «Астана қаласы білім саласының алтын қоры» кітабына енді.
Мерекелік бағдарлама театрландырылған көрініспен ашылды. Қысқа да нұсқа қойылымдағы оқушылар жеткізген негізгі ой: Ұстаздар қараңғылық көгін біліммен сәулелендірген – асыл шам. Кеш барысында Жүгінісовтер триосы, Мейір Байнеш, Шандос Жұмағалиева Астана жайлы ән шырқап, мұғалімдер қошеметіне бөленді. Сондай-ақ, «Созвездие» би ансаблі вальс пен «ча-ча-ча» билерін орындады.
Фестивальдің басты мақсаты – концерт қана емес. Шақырылған астаналық мұғалімдерді Білім басқармасы басшысының орынбасары Қасымхан Сенғазиев құттықтап, ҚР Білім және ғылым министрлігінің, Астана қаласы Білім басқармасының алғыс хаттарын тапсырды және осы кеште 2013-2014 оқу жылындағы Спартакиада мен «Дидарлы жаз» спорт алаңдарының қорытындылары шығарылды. Ал, ардақты ұстаздар Альфия Гильмуллина, Гүлнара Ғалиасқарова, Светлана Ибраева, Любовь Урусова, Камилә Байсқақова мен Найла Куканова есімдері салтанатты түрде «Астана қаласы білім саласының алтын қоры» кітабына енгізілді.