Конгресс-Холда мерейтойлық шаралардың бірі – жас дарындарға қанат бітіріп, болашағына жол ашқан республикалық «Ән жүрегім – Астана» байқауының гала-концерті өтті.
Байқаудың басты мақсаты – Астананың имиджін көтеретін авторлық әндерді анықтап, композиторлар мен ақындардың, жас орындаушылардың шығармашылығын насихаттау және талапты таланттарды іздеп тауып, вокальды, поэтикалық және композиторлық өнерді біріктіру болатын. Сондықтан да көпшіліктің көңілінен шыққан бұл шара жас қатысушылардың шабытын шарықтатып, мерейлерін үстем етті.
Нәтижесінде, 1-орынды қызылордалық Серік Ибрагимов жеңіп алса, 2-орынды алматылық Әлібек Әлмәдиев иеленді. Ал, 3-орынды ақтөбелік Азамат Бекбергенов місе тұтып, Семейден келген «Кербез» дуэті дипломант атанды. Байқаудың арнайы дипломымен Бақытжан Урахаев пен екібастұздық Сайран Бралина марапатталды.
Ғали ТӨЛЕК
