Велосипедші елдің ұсынысы
Астанада Голландия апталығы өтуде. Апталық аясында Астана қаласы әкімдігінде «Астанаға веломәдениетті енгізу» деген тақырыпта дөңгелек үстел өтті. Оған Нидерланды Корольдігі Елшілігінің өкілдері қатысты.
Жиын барысында қала көшелерінде велосипедке арналған жолдар жасалып, белгілердің қойылуы және велосипедтің транспорттық көлік ретінде танылуы жөнінде сөз болды. Голландияда көлік ретінде велосипедті қолданады және кеңінен насихатталады. Шара барысында голланд сарапшыларының дайындаған слайдтары көрсетіліп, тәжірибе алмасты.
Нидерланды Корольдігінің Елшісі Питер ванн Леувеннің айтуынша, велосипедпен жүру пайдалы. Астана – ол үшін өте қолайлы қала. Егер осындай үлкен қалаларда жұрттың көпшілігі велосипедпен жүрсе, ауамыз таза болар еді. Әрі жол апаты деген болмас еді.
Мамырдың 19-ы күні Астананың орталық көшелерінде голланд әріптестердің қатысуымен велошеру өтеді.
Еркежан СӘТІМБЕК