ЖаңалықтарҚала тіршілігі
ЗАҢГЕРЛЕР КЕҢЕС БЕРЕДІ
Кеше Астанада «Әділет органдары кеңес береді» республикалық акциясы басталды. Айтулы шара аясында мемлекеттік органдардың заңгерлері, адвокаттар, нотариустер қала тұрғындарына тегін кеңес берді.
Астана қаласы Әділет департаментінің бастамасымен кеше қала іргесіндегі Пригородный, Заречный, Тельман елді мекендері тұрғындарымен кездесу өткізілді. Сондай-ақ, Есіл ауданындағы ХҚКО мекемелерінде ашық есік күні ұйымдастырылып, тұрғындарға заңдық тұрғыдан кеңестер берілді.
Бүгін сағат 11.00-де заңгерлер Сарыарқа ауданының әкімдігінде тұрғындармен және еңбек ардагерлерімен кездеседі. Ал, 13 маусымда сағат 11.00-ден 13.00-ге дейін «Нұр Отан» партиясының Астана қалалық филиалының қоғамдық қабылдауы аталған акцияға қатысуға ниет білдірген азаматтарды қабылдайды. Сонымен қатар, ЕЦ-166/22 мекемесінде сотталғандарға тегін заң кеңестерін беру жоспарланған.