Зардап шеккен кәсіпкерлерді қолдайды
«Атамекен» ҰКП бастамасымен бүлік кезінде зардап шеккен кәсіпорындарды қолдау мақсатында «Күшіміз – бірлікте» қоғамдық қоры құрылды. Палата өкілдері еліміздің ірі бизнесмендерін мүмкіндігінше қорға қаржы аударуды сұрайды.
Қор өкілдерінің айтуынша, олар түскен қаражат сомасы және бұл қаражат кімге қай мөлшерде, қай мекемеге аударылатынын жариялауға дайын. Мемлекеттік комиссия құрылды. Зардап шеккен кәсіпкерлерге фото-видео фиксация жасап, жергілікті полиция қызметкерлерімен протокол құрастырып, құжаттарыңызды даярлауға болады. Осы жылдың 10 қаңтары сағат 09.00-дегі жағдай бойынша бизнеске келтірілген шығынға қатысты байланыс орталығына 2774 қоңырау түсті, соның ішінде: мародерлық мәселелері бойынша – 1406, форс-мажор – 39, блокбекеттер – 2, зардап шеккен кәсіпкерлерді қолдау қоры бойынша – 3, жеке тұлғалардан түскен қоңыраулар – 1324. Елдің 9 өңірінде 1488 нысанда орналасқан 1319 зардап шеккен бизнес субъекті анықталды, соның ішінде Алматы қаласында – 1399 объектіде орналасқан 1234 субъект. Зардап шеккен бизнес салалары: сауда – 1245; қоғамдық тамақтану – 25; қаржы секторы – 37; логистика – 9; БАҚ – 2. Шығынның жалпы сомасы алдын ала есепке сәйкес 93,7 млрд теңгеден асты, соның ішінде Алматыда 92,2 млрд теңге.