Қала тіршілігі

Зәуре ЖҮСІПОВА: Ақылы тұрақтар қарастырылуда

Білім беру саласының өкілі ретінде, кө­біне білім саласындағы мәселелерге назар аударғанды жөн санаймын. Мәселен, қызметкерлердің еңбекақысын көтеру, білім беру сапасын арттыру күн тәртібінен түскен емес. Бүгінде балабақшаға кезекке тұру саны да өсіп келеді. Сәйкесінше, мемлекеттік және мемлекеттік тапсырыс­пен беріліп жатқан жаңа балабақшалар саны артып келеді.

01

Өзім сайланған Сарыарқа ауданы №2 сайлау округінде 16 мыңнан астам тұрғын бар. Яғни, 70-тен аса көппәтерлі үйлер мен же­ке үйлер орналасқан.
Халықты жиі толғандыратын мә­се­ле – тұрғын үй-коммуналдық шаруа­шылығы. Осыған байланысты шатырлар, қасбеттер, кіре берістер мен құбырлар жөнделді. Жеке меншікке тиесілі үй­лердің бұ­зы­­­луы бойынша тұрғындарға көмек ретінде мемлекеттік бағдарламалар қарас­тырылған.
Бүгінде ТКШ мәселесі, атап айтқанда округтегі тұрғын үйлердің жағдайын жақсарту мақсатында жаңарту бағдар­ламалары негізінде күрделі жөндеуді қажет ететін нысандарға бақылау жүр­гізудеміз.
Тұрғын үй-коммуналдық шаруа­шылығын модернизациялау жұмыстары қайтарымды және басқа да бюджеттік қаржыландыру есебінен өндіріледі. Бұл мәселелер Сары­арқа ауданы әкімдік аппаратының ПИК және басқа да өкі­летті органдардың әрекет етуімен қарастырылуда. Осыған байланысты тұрғындардың талап-тілегі Республика даңғылы, 48/1 мекенжайда қабылданады. Сондай-ақ, жуырда ғана зейнеткерлік жастағы округ тұрғынының мәселесін шешуге көмектестік. Көп жылдар бойы тыл еңбеккері статусына қол жеткізе алмағандықтан зейнетақысына қосымша ақы төленбеген екен. Біздің көмегіміздің арқасында бұл мәселе оң шешімін тапты.
Қаланың инфрақұрылымын дамыту бойынша айтатын болсам, Жангелдин және Әуезов көшелерін қайта жөндеу халықтың қозғалысын жеңіл­детті. Ендігі мәселе – ауладағы ав­то­­тұрақтар. Тұр­ғындар жедел жәрдем ма­шинасы мен қоқыс таситын арнайы техникалардың өтуі­не қиындық туғанын айтып, дабыл қағуда. Кейбір көппәтерлі үйлердің ауласына арнаулы көлік тұрағы­ның қарастырылмағаны белгілі. Аулада орналасқан балалар ойын алаңындағы қа­уіп­­­сіздікті сақтау үшін ақылы тұрақтар жүйесі қаралуда.
Шынын айтқанда, әрбір екінші тұрғын жол жөндеу мәселесін алға тартады. Көп­теген мәселелерді Сарыарқа ауданы әкім­дігімен, «Нұр Отан» партиясының Астана қалалық филиалымен бірлесе ше­ше­міз.
Әрине, аумақтағы кейбір мәселені бірден шешу мүмкін емес, көпшілігі қаржыландыру мәселесіне тіреледі әрі көп уақытты талап ететінін де айтуымыз керек.

Тағыда

admin

«Астана ақшамы» газеті

Ұқсас жаңалықтар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button