ЗАУЫТ ЖАҢАРТЫЛДЫ
Астанада көліктерді жол шетіне шығып кетуден қорғайтын қоршаулар өндіретін ең ірі зауыт жаңғыртылды.
«СтальЦинк» ЖШС – Қазақстандағы әлемдік стандарт бойынша жоғары технологиялық жабдықпен жол қоршауын дайындайтын жалғыз зауыт. Бұл арнайы қоршау күре жолдарға орнатылады, сөйтіп жолдағы қауіпті жағдайлардың алдын алады. «Батыс Қытай – Батыс Еуропа» автомагистралі үшін «СтальЦинк» ЖШС осындай қоршаулар шығарады. Зауытта шығарылған қоршаулар «Астана-Шучье» тас жолына да орнатылды.
Аталмыш өндіріс орны «Өнімділік – 2020» мемлекеттік бағдарламасы бойынша «Zeman Bauelemente Produktionsgesellshaft m.b.h.» австриялық компаниясынан тосқауыл қоршауларын өндіру бойынша жабдықтарды сатып алуға лизингтік қаржыландырылды. Ол жылына ұзындығы 437,5 мыңға дейін жол қоршаулары мен олардың элементтерін өндіруді қамтамасыз етеді. Жоба 110 орынға дейін жұмыс орнын ұлғайтуға мүмкіндік береді.
Сағи ОРАЛ