ЖАҢА ЭКСПРЕСС БАҒДАРЛАР АШЫЛДЫ
20-21 қараша күндері қала маңындағы елді мекен тұрғындарына ыңғайлы болу үшін №53, 54 экспресс-бағдарлар ашылды.
Атап айтсақ, №53 бағдар Темір жол вокзалы мен әуежай арасында қатынайды. Аралық аялдамалар: К.Байсейітова атындағы опера және балет театры – Қазақ өнер университеті (Музакадемия) – БТА банкі – Самал ш.а. – Ататүрік саябағы – Министрліктер үйі – ҚТЖ бас кеңсесі – Кардиохиургиялық клиника («Азия парк» ОСО) – «Астана-Арена» – Назарбаев университеті – Пригородный тұрғын алабы.
Ал, тағы сондай жайлы да жүрдек автобустан жасақталған №54 экспресс-бағдар Градкомплекс пен Жібек жолы тұрғын алабындағы жолды жалғайды. Аралық аялдамалар: № 67 орта мектеп – № 65 орта мектеп – «Хабар» агенттігі – «Конгресс-холл» сарайы – «Астанателеком» ҚТО кеңсесі – «Спутник» супермаркеті – «Жібек жолы» СҮ – №2 балалар емханасы – «Интернациональный» т.а. – «Мичурино» т.а. – «Күйгенжар» т.а. – «Жібек жолы» т.а. («Ұлытау» дүкені – «Бауырым» дүкені – «Гүлзада» дүкені – «Достық» дүкені – орта мектеп).
Жол жүру құны ересектерге – 120 теңге, балаларға – 60 теңге. Жалпы, балалар үшін және жеңілдігі бар жол жүру билеттері 2014 жылдың 1 желтоқсанынан бастап жарамсыз деп танылады. Ал, бұрын-соңды жолы ұзақ боп келген №9 бағдар бүгіннен бастап тек «Интернациональный» тұрғын алабына дейін жүретін болады.