1 шілдеден бастап Астана – Щучинск ақылы жолдарының жаңа тарифі іске қосылады деп хабарлайды «ҚазАвтожол» Ұлттық компаниясының баспасөз қызметі.
«ҚР Үкіметінің қаулысымен жалпыға бірдей қолдануға арналған республикалық маңыздағы Астана-Щучинск автокөлік жолдарының І-а учаскесінде, яғни, Астана – Петропавл бағытына жүк көтеру мүмкіндігі 15 тоннадан асатын жүк көліктеріне жаңа тариф енгізілді. Жүк көлігінің бұл жолмен жүру ақысы оның массасына байланысты болмақ. Мәселен, жаңадан енгізілген ереже бойынша 15 тоннадан артық көтеретін жүк көліктердің бір бағыттағы барлық жүрісі 5200 теңгені құрайтын болады» делінген алдын ала таратылған хабарламада.
Жаңа тариф енгізілгенге дейін жүкті тасымалдаушы мен оны қабылдап алушылар жүріс ақысын бірігіп төлейді. Ал, 10-нан 15 тоннаға дейін артатын жүк көліктерінің бір бағыттағы жүріс ақысы ол кезде 4200 теңгені құрайды.
Жол қызметін пайдалану ақысы арнайы орнатылған терминал арқылы төленеді: ақшалай, тиынмен, банк картасымен немесе транс операциялар арқылы төлем жасауға болады.
