Жарайсың, Жас ұлан!
«Отан қорғаушылар» алаңында Сағадат Нұрмағамбетов атындағы «Жас ұлан» республикалық мектебі түлектерін шығарып салу рәсімі өтті. Салтанатты шараға Қорғаныс министрлігінің өкілдері, Қарулы Күштердің ардагерлері және ұландардың ата-аналары қатысты.
Білім ордасымен биыл 75 ұлан қош айтысты. Бұл – мектеп құрылғалы бері түлектер саны жағынан ең үлкен көрсеткіш. ҰБТ-дағы орташа балл есебі де былтырғыға қарағанда жоғары болып, 85,2 құрады.
«Жас ұлан» мектебі тәрбиеленушілерінің дайындық деңгейі жыл сайын өсіп келе жатыр. Бүгінгі күні мектеп түлектері Құрлық әскерлерінің Әскери институтында, Талғат Бигелдинов атындағы Әуе қорғанысы күштерінің Әскери институтында, Радиоэлектроника және байланыс әскери-инженерлік институтында, ҚР ҰҚК, ТЖМ және ІІМ жоғары оқу орындарында әскери білім алуда. Сондай-ақ, Ресей, Беларусь және Қытай елдерінің әскери жоғары оқу орындарының курсанттары болып саналады.
Күнайым СӘКЕН