ЖАСТАРМЕН ЖҰМЫС ЖАНДАНДЫ
Астана әкiмдiгi жанындағы Жастар iсi жөнiндегi кеңестiң отырысы өттi. Жина-лысты кiрiспе сөзбен кеңес төрағасы-ның орынбасары, Iшкi саясат басқар-масының бастығы Болат Тiлепов ашты.
Кеңесте жастар арасында әскери қызметтiң беделiн көтеру мәселесi талқыланды. Астана қаласының Қорғаныс iстерi жөнiндегi департаментi бастығының орынбасары Еркiн Байболов жастарға әскери-патриоттық тәрбие беру барысы және жеткiншектердi отансүйгiштiк рухта баулуға бағытталған iс-шаралар жайында баяндап бердi. Сонымен қатар мектептер мен орта бiлiм беру орындарындағы алғашқы әскери дайындық сабақтарын өткiзу тәжiрибесiне де тоқталып, оны ұйымдастыруда орын алып отырған бiрқатар мәселелерге тоқталды.
Әскерге шақырылатын бозбалалар арасындағы атқарылған жұмыстар оларды ел тарихына, аға буын өкiлдерiнiң отан қорғаудағы ерлiгiне құрметпен қарауға үйретедi. Мұндай насихат кейiнгi толқын өкiлдерi ортасында жүргiзiлуi, ең алдымен, олардың отан алдындағы мiндетiн атқару дайындығын шыңдауға септiгiн тигiзбек.
Айгүл УАЙСОВА