Кеше ҚР Мемлекеттік қызмет істері агенттігінің Астана қаласындағы Тәртіптік кеңесінің кезекті отырысы өтті.
Тәртіптік кеңес төрағасы Ерлан Әбеннің басшылығымен өткен жиында тәртіптік комиссиялардың жұмысы жайлы сөз болды. Биыл 9 ай көлемінде 160 тәртіптік комиссия отырыстары өткен. Онда 257 қызметкердің жауапкершіліктері қаралған. Шара барысында мемлекеттік органдардың тәртіптік комиссияларының рөлі мен жауапкершілігін арттыру туралы кеңінен әңгімеленді. Осы ретте Тәртіптік кеңес төрағасы бірқатар жауапты мамандарға нақтылы тапсырмалар жүктеді. Сондай-ақ, мемлекеттік органдардың өкілдерімен тәртіптік комиссиялардың жұмысын жетілдіру және жақсарту жөнінде ұсыныстар жасалды.
Еркежан СӘТІМБЕК
